حرص أمير مرتضي منصور، المشرف العام السابق على فريق الكرة بنادي الزمالك، علي توجيه رسالة مؤثرة إلى اللاعب محمد عبد الشافي، الذي أعلن اعتزاله كرة القدم مع نهاية الموسم الحالي.
محمد عبد الشافى يثبت كل يوم أن الأخلاق تبقى مهما حاول البعض تقديم نماذج مختلفة، فهو نموذج فريد في الاحترام والتواضع داخل وخارج الملعب.
عبر خاصية "ستوري" على حسابه الشخصي في موقع التواصل الاجتماعي إنستجرام، كتب أمير مرتضى:
أقل لاعب سمعت صوته وأكثر لاعب شوفت حبه واحترامه للزمالك ولزمايله، عمري ما سمعته بيشتم أو بيحقد أو بيغير أو بينفسن أو بيكره أو مكشر.
اللاعب الوحيد اللي عمره ما قالي فلوسي متأخرة، ولا قالي عندي قسط لازم أدفعه، ولا عمره قالي أنا مش بلعب ليه، اللاعب الوحيد اللي قالي همضي على بياض وحط الرقم اللي يناسب النادي، كابتن من كباتن الفريق.
لما رجع الزمالك ولقى لاعب تاني أحدث منه بسنين لابس رقم زي 13، قالي أنا مش عايز الرقم هو أولى بالرقم مني. عمره ما كلم صحفي ولا صفحة ولا ليه في الشغل ده، عمره ما استفز المنافس ولا جمهوره.
أنا اتشرفت إني اتعاملت معاك وإني عاصرتك في الملعب وبره الملعب، لو في حد يستحق لقب أسطورة هيبقى محمد عبد الشافي. ولو عندي ولد، أتمنى أشوفه في احترامك وأخلاقك وموهبتك.
🎖️ محمد عبد الشافي يختتم مسيرته الكروية بعد سنوات طويلة من التألق والعطاء مع نادي الزمالك والمنتخب الوطني، ويودع الملاعب وسط تقدير واحترام كبير من جماهير الكرة المصرية.
تعليقات
إرسال تعليق
اترك تعليقك